Үздік ашық сабақ - 2023
«С.Бекбосынов атындағы орта мектебі» КММ-сінде өтетін
«ҮЗДІК САБАҚ-2023» байқауының ережесі.
Байқау мақсаттары:
- Жанашыл мұғалімдерді анықтау және олардың жұмысын насихаттау, білім сапасын жетілдіре түсу, мұғалім тәжірибесін жинақтау және бөлісу;
- Жаңартылған білім беру бағдарламасы бойынша мұғалімдерінің теориялық және тәжірибелік тұрғыдан кәсіби дамуын насихаттау.
- Жалпы білім беру ұйымдары мұғалімдерінің білім беру жүйесінің дамуына қосып жатқан үлесін көпшілікке жария ету.
Байқау міндеттері:
- Мұғалімдердің шығармашылық әлеуетін жоғарылатуға, кәсіби шеберлігін арттыруға көмектесу;
- Білікті педагогтардың іс –тәжірибелерін тарату және насихаттау.
- Жас ұстаздардың кәсіби шыңдалуына бағыт-бағдар беру.
Өтетін уақыты: 06-18 ақпан 2023 жыл
Байқау комиссиясының мүшелері:
А.И.Жунусова - мектеп директоры
А.Е.Мусатова - оқу ісінің меңгерушісі
А.Н.Жанпеисова - директордың тәрбие ісі жөніндегі орынбасары
А.Қабдиқызы - педагог-психолог
А.Б.Қабиденов – АӘД пәні мұғалімі
Байқауға қойылатын талаптар:
- Байқауға мектептегі пән бірлестіктерінің барлық мұғалімдері қатысуы тиіс.
- Өтетін тақырып күнтізбе жоспарына сай болуы тиіс.
- Сабақ жоспары 2 данадан дайындалуы қажет. 1 данасы комиссияға ұсылады.
- Талдау барысында сабақтың жоспарлы өтуі, сабақ жоспарының сапалы, жүйелі жазылуы назарға алынады. Сабақ өткен соң фотоотчеты өткізіледі.
- Өтетін үлгі сабақтарға 3-4 мұғалім /сабағы жоқ/ қатысуға рұхсат беріледі.
ҚМЖ-ға қойылатын талаптар:
Сабақ мақсаттары:
1.Сабақтың мақсаты оқу мақсаттарымен келісілген;
2.Сабақ мақсаттары пәннің ерекшелігіне бағытталған;
3.Сабақ мақсаттары оқушылардың қажеттіліктерін ескере отырып, құрастырылған.
Белсенді оқу әдістері :
1.Әдістерді таңдау пән бойынша тақырыптың мазмұнымен анықталған;
2.Әдістер оқу мақсаттарына жетуге ықпал етеді;
3.Әдістер оқушыларды оқуға тартуға бағытталған.
Саралау әдістері :
1.Тапсырмалар оқушылардың қажеттіліктерін есепке алып сараланған;
2.Саралаудың әр түрлі тәсілдері жоспарланған (тапсырмалар, дереккөздер, оқушыларды қолдау т.б.);
3.Саралау әдістері әрбір оқушыға мақсаттарға жетуге ықпал жасайды.
Критериалды бағалау :
1.Бағалау оқу мақсаттарына сәйкес келеді;
2. Қалыптастырушы бағалау тапсырмасын қолданады.
3.Бағалау критерийлері қолданылады.
Марапаттау:
- Байқау комиссиясының шешімімен Бас жүлде, І,ІІ,ІІІ орындар, номинациялар беріледі.
- Марапаттау шарасы өткізіледі.
- Жүлделі орын алған мұғалімдерге кәсіподақ ұйымы атынан арнайы сыйлықтар беріледі.
Ұйымдастырушылар: Әдістемелік кеңес пен кәсіподақ ұйымы.